小朋友的「十年」,會希望十年後,長大成人,做大人愛做嘅事。
十多歲的「十年」,正所謂「依家唔玩,幾時先玩」,有咩事衝左先算。
廿多歲的「十年」,開始步入人生真正的開始,大膽挑戰,為人生留下一點證明。
三十多歲的「十年」,組織家庭、運動員狀態高峰期,熱血的最後衝刺。
四十多歲的「十年」,學懂享受,尋找新一種滿足感。

十幾年前,有一句說話「人生有幾多個十年」。的確,好彩嘅你會有多幾個十年,繼續玩樂人生;唔好彩嘅你,打枝針都可以令你少咁幾個十年 (笑)。

我,大概過左接近三個十年。對上一個十年,總徘徊在跑步路上,由未學懂跑步,一步一步走過的項目,1500m、5000m、10公里、半馬拉松、馬拉松、100公里,跑步一直令我學懂的是,「只要每堅持多一步,就會可以跑得更長更遠」,信念呢家野,原來同自己講得多,真係會刻骨銘心咁記住,就好似叫喊口號一樣。

喺過去的時間,你有養成一個喜好、習慣,持之以恆十年或以上嗎?時間,可以令你愛上一個人一件事一個地方,同時亦可以紀錄你的一生他的一生和她的一生。

如果你,係過去呢十年,未曾養成一個喜好、習慣。希望你,可以係未來十年,令自己記憶變成一個習慣,刻骨銘心地記住。

在香港,曾經和你一起跑過彌敦道、夏愨道、龍和道的美,各區小路的十字路口,因為,你已經再無機會可以像昨天自由地周街跑。

作為一個有做開運動嘅人,要有的體育精神,更要記住,無論他或是她,可能你覺得佢係一個豬隊友,但佢地的確係同大家一樣,曾向住同一終點跑落去,銘記一班曾狗衝往同一終點的人,為走向終點,而向前踏出多一步。

最後,請銘記,在這最黑暗的年代,身邊總會有數個、百個、千個、甚至二百萬零一個,同你一樣,齊上齊落。

#就算失望都不要失去希望


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 十年,跑不完的路