2017.4.9 武嶺 54km 3275m

「夢想這條路踏上了,跪著也要走完」

原先預計6小時完成既目標,雖然達成唔到,但好彩最後都冇穿冇爛用7小時11分完成今次挑戰,時間唔重要,過程先最緊要。

今次挑戰《武嶺54km》比起《跑步環台》《單車環四國》更辛苦。可能係平時少練斜路加上未曾試過連續攀升+1600m,單車環四國果陣單日攀升+1600m已經想死,雖然我認為單車上斜係辛苦過跑步,但係今次仲要係有限時間內完成,有一定壓力。

加上上星期 Round the Island 66km DNF左,突然間失去左好多信心😂😂

懷着興奮嘅心情去到埔里起點,順利0630起步。今次好好有補給車做定點補給,唔洗揹住咁多Gear上路,補給車陳大哥仲要超好,幫我地影左好多相。

0-16km 埔里地理中心碑 – 人止關
54km中最輕鬆既一段,全平路既16km,按照目標時間 6小時以6-630min/km pace前進,輕鬆左用唔洗兩小時就去到人止關。最估唔到既係,開始冇耐,就又比狗追🙄😂環台果陣既慘痛經歷,依家都忘記唔到。

16-22km 埔里 – 霧社
短短既6km,就由全平路變為全上斜,而且個斜道都幾大,去到霧社7-eleven外,補給車已經一早到左,即刻進行補給,但岩岩既6km上斜已經feel到有少少疲勞🙄,但只係跑左22/54km,都真係幾大獲。

22-34km 霧社 – 清境農場
34km位置係全國最高便利店,汲取過經驗,補給車由原先每10km進行一次補給,縮短至每5km一次,因為飲水飲得好快,消耗能量速度都好快,所以補給要頻密d。再黎多12km上斜,開始有啲吃不消既感覺,對後肌負荷好多,途中keep住想抽筋想抽筋既感覺。剛過去既18km上斜,都仍然keep到7min/km pace,如果繼續keep到落去,有望sub 6。

34-52km 清景農場 – 昆陽
補給車陳大哥話呢度先至係挑戰既開始,一黎已經+2000m高,二黎已經累積左34km疲憊,三黎即將既20km路斜係更斜既攀升。說實話,34km黎到依個Ceckpoint,真心已經覺得好攰,34km攀升左2000m,無限上斜上斜又上斜。而且pacing開始跌出7min外,依一刻已經唔係睇時間做人,只希望能夠完成到。

神奇地,40-46km位置有好多落斜位,可以比我回一回氣,但係諗心一層,即係一陣要攀升返更多,不過冇辦法,開始左就要繼續頂硬頭皮繼續落去。可能已經海拔2000m+,空氣稀薄,開始有頭痛、wing wing地既感覺🙄而且隻腳已開始唔屬於自己,想抽筋既感覺今日陪左我4、5個鐘😂

去到46km後真係開始頂唔順,要行下跑下咁,成隻腳緊到傻左,但心諗住已經完成左46km,依家只係爭8km,無理由依個時候先黎放棄,最後8km以快行半走,眼前既天堂路令到我超級崩潰,一望無際既上斜,明明直望就係武嶺,但係d上斜髮夾彎冇完既一日🙄pacing 已經跌到落去9min/km

52-54km 昆陽 – 武嶺
每次望到補給車就望到希望,每5km既補給車都係我既一個小目標。52km已經攀升至接近海拔3000m,除左斜路之外,就只係淨返凍,氣溫已經跌到落去不足10度,只係想盡快完成最後2km,但最後2km仲要繼續攀升多200m,OMG!好彩李盛伴住完成埋最後2km,因為34-52km果段得自己一個真係好難捱,最後完成埋最後2km見到武嶺果牌,真係感動到….跪左係到,因為已經攰到冇力😂😂

「夢想這條路踏上了,跪著也要走完」
雖然依個挑戰好多人都曾經成功,係一件好簡單既事,但對於我黎講,係一件畢生難忘既事。

感激沿途上有你地既支持 & 支援:

HNR跑步團隊 Facebook專頁

90後環台跑一千公里的故事 Facebook專頁



更多:
Fitz.hk Facebook專頁
[HNR番外篇] 進擊台灣武嶺 跑上3275米
[跑步環台1000K] 90後阿宗阿盛: 其實唔難
Fitz Running 跑步