邊個令香港人提心吊膽,連落街跑步都擔心人身安全? 古語有云:「天地有正氣,你班PK衰到痺」。呢個時候,除咗等上帝做嘢,我哋亦要裝備自己,保護自身安全。

對於跑步安全問題,香港長年治安良好,一向唔會有人特別關心。對岸台灣早年屢有發生變態佬騷擾跑步女生嘅案件,佢哋嘅經驗值得參考。筆者概括台灣民眾制訂嘅跑步法則,有幾點值得借鏡:

  • 日頭跑步比夜晚安全,因為日光令罪犯不敢犯案,而街上較為熱鬧,亦會比較安全;
  • 三五成群跑步好過一個人跑。唔少地區都有自己嘅跑步團,大家不妨報名參加。Facebook有唔少地區跑團,大家可以搵佢哋約埋一齊。例如: 屯門「愛跑」之友沙田跑友會 Shatin Runners柴灣人跑柴灣路將軍澳跑友交流/約跑
  • 齊裝備。除咗跑鞋、水壼等跑步裝備,亦要帶電話 (通訊用)。有台灣跑友推介帶鎖匙,話可以作為保護裝備。夜跑亦可帶頭燈,根據犯罪心理學話,有光線情況之下,賊人會較為收歛。
台灣跑友就話用鎖匙可以保護自己
  • 路線要安全。跑運動場比跑街安全,跑街比跑山安全。跑街最好跑番自己熟悉嘅地區,萬一有事都可以搵相熟街舖作為支援。(可參考《[香港日常] 康文署公園緩跑徑 九龍區》)
  • 唔好戴耳機跑步,以令自己維持警覺。

跑步App保安全

除咗上面幾點之外,亦可以使用手機 App。呢種叫 Raod iD 嘅程式,原本用途係當使用者身體突然有問題 (如不醒人事),遠方親友可以即時搵支援。


不過用喺而家情況,就係當跑步時發生問題,你唔使打電話,追踪緊你嘅親友都可以知道有事發生,再作出支援。

  • 程式: Raod iD
  • 介面: Android、iOS
  • 價錢: 免費
  • 重要功能: 追踪你嘅跑步情況,若果同一地點停低超過5分鐘,會啟動呼叫功能。將你停低嘅位置傳送至親友嘅電話或電郵。
使用前,填寫你計劃嘅跑步時間,以及親友電話或電郵。
開始跑步後,如果停留在相同位置5分鐘,會啟用呼叫功能 (右圖),手機會大聲響,亦會send訊息至親友電話或電郵。
手機畫面會show你嘅姓名、病歷及親友電話,方便途人救援。

另外有一款叫「阿甘跑步」由大陸公司推出,聲稱可直播跑步路線,即時與親友分享。不過私隱及GPS準繩度未給予人信心,筆者亦唔太敢安裝。大家如果有試用報告,不妨向筆者分享。

Fitz連結: https://fitz.hk/?p=123296

其他文章:

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。