[揹水一戰2017] 我們登上了頒獎台

揹住4.5L水其實唔係好重，但最辛苦係跑果陣會 ‘凳’，雖然今年係第二年玩，但竟然唔記得用任何野攝住樽水。最後參考其他選手，靈機一觸，去到checkpoint放條蕉同飲完既水杯落去，諗住墊住又可以喺有需要時拎黎食。但世事邊有咁完美，跑左陣就冇效不突止，啲蕉仲夾爆晒，啲蕉蓉跑跑下又滴落隻腳度真係好難受。喺度奉勸各位跑手，如果下年想玩，一定要準備充足，上到場就冇咩可以幫到你了。

一起步頭3k不斷爬升，一路去到山頂先有得落，全程濕度100%，能見度不足10米！而我地team既策略係上山密步行，平路keep住慢jog，但到最後都keep唔到，原本諗住target sub4 hrs (原來已經第一！)，但後半段，實在跌得太多，最後能以4hrs 48mins完成，喺四人混合挑戰30公里組別，得到第七名！😁