每日115.6米?

1997令香港人難以忘懷，而1997年NBAfinals都令籃球迷睇到眼突，在最耀眼的舞台，做最不可思議的事，當日米高佐敦感冒缺水，燒壞腦咁攞38分，對猶他贏關鍵第五場，領先3:2。

越差的狀態，越好的表現，只有要爭性的決心，乜都有可能。無錯，對職業運動員來講，係，但other things唔係being constant，你唔係米高佐敦，無論咩運動比賽，你唔夠貨，就會供不應求。佐敦感冒一百場，會有一場超水準，我地呢d業餘嘅健康一百場，一百場低水 準，感冒嗰場係更低。

但我發現作為一個業餘跑手，參加全馬賽事五次以上，但每一次好奇怪都有種僥倖的心態，訓練不夠，卻奢望有進步的成績，亦因為呢種心態令自己訓練方面難以加把勁，反而因為完成到賽事就滿足了，然後到了明年，又按時按候想糊混過去，然後年復一年。

學「新」傳媒守則，我首先要找到自己心入面條蟲，觀察一下懶蟲是如何鍊成的。我發現不將目標具體化就很難完成。因為最低目標是大會限時內（每年可能浮動）完成42.195km。距離夠具體，但限時不夠具體，所需時間不準確，速度亦跟進浮動。

小學的算式：時間 X 速度 = 距離

距離不變，另外兩樣就因為一年內的種種因素改變了。到了日子將近，忽然醒起，訓練的時間又已經練不到理想的速度，然後又把大會限時放進公程式，然後年復一年。

馬拉松需要一年時間去準備，原來是千真萬確，意思不是一整年無間斷的練習，而是讓我們將所有不利因素，如六個月內有機會發生的傷病、忙碌、升職搏殺，結婚生仔，通通都計算進去。

需練習時間（六個月）+可練習時間（六個月）= 準備時間（一年）

以一年玩一次為例，需練習時間最多只有六個月，六個月能夠把速度提升多少，就是你的個人目標了。

已參加渣馬的朋友，相信要等2015年渣馬完成後才能夠實踐吧！當然不是，如果你是下次才決定參加，當你看到這篇文字就可以開始了。

42195m/365，積少成多，自己里數自己蓄。

一年後，告訴大家成果。

有關許耀斌的更多經歷及介紹，可參考明報及蘋果日報報道。