曾效力英冠球隊高雲地利城 (Coventry City) 嘅 Ashley Cain，除咗足球員身分，亦因為演出過英國著名真人show《The Ex On The Beach》，形象深入民心。不過，去年佢8個月大嘅囡囡 Azaylia ，因為不敵一種基因突變嘅白血病與世長辭，令不少人心酸。
Ashley 悲痛之餘，亦希望盡己之力，幫助其他患有呢種罕見疾病嘅患者。Ashley 於今年4月，囡囡逝世一周年，由屋企 Nuneaton 跑到去倫敦，全程100英里 (約160公里)。而今個月開始，Ashley 亦展開一個叫 “five marathon challenge” 嘅計劃，於五個英國城市 (都柏林、格拉斯哥、貝爾法斯特、卡迪夫及倫敦) 各跑一次馬拉松距離。Ashley 希望可以籌到150萬英鎊，資助有關研究去治療呢種罕見疾病。
Ashley 亦話，藉著呢幾次跑步，可以同好多朋友以及素面謀面嘅人接觸，同好多人連結。
大家可以到 Ashley 的 instagram 追踪最新消息。
在 Instagram 查看這則貼文
資料: BBC
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
