要是對人性失望就去看東京馬拉松吧!

由

2018-03-02

Fitz > 運動 Sports > 跑步 Running > 要是對人性失望就去看東京馬拉松吧!

第一位在波士頓馬拉松完賽的女性跑者 Kathrine Switzer 曾說：「要是對人性失望，就去看場馬拉松吧!」這句話相信是繼 Bill Rodgers 的 The Marathon Can humbles You「馬拉松令人謙虛」之後，最多人引用 (濫用) 的金句。

「人講你又講，鸚鵡學舌，拾人牙慧，真正意思，你識條鐵咩!」Sub-3 哥如是說。

Ouch…it hurts 痛架…X你

依家我係『柒柒在在』明白箇中意思，但我要加上「東京」兩個字 – 要是對人性失望，就去看東京馬拉松吧!

但千萬不要加上「渣打」兩個字，因為你會對人性徹底失望，失望到想搵樓跳。故事要從《[找數真漢子] 低端人口渣打馬拉松37K DQ全紀錄》說起，Eric一年前承諾全馬完走找毅行數，怎知抽水抽著火水，連出名好很難抽的渣馬和東馬，睇嚟條數係注定找硬的，大家都叫他渣馬當終極長課跑，最重要是不要受傷，志在東馬找數。

Eric 把他的「真人show」化為「找數真漢子」系列在 Fitz 連載，渣馬後出的一篇竟惹來「負皮」，留言都幾難聽下，講到他要先學懂做人，才好學人跑步。跑個步啫，沒啥大不了。

如果有跟足整個 show，就知道他有付出，絕無呃呃騙騙之嫌。沒有受傷的話他都會練足長課，全力以赴。

What if 他真的只練了一課15公里而又 sub-4 到?

到時患精神分裂的龍門工人又會大讚有天份，超勁呀! 乜乜柒柒。但同樣都是零準備喎?

說到底，跑步還是關於時間、成績多於過程。在不同跑步谷，都見到有人出「刷存在感」的 post 如《跑步新手，零操練下，第一次10K 40分鐘完走算唔算慢?》，《從無跑步，第一次半馬1小時30分鐘完走，自覺好L慢》，《弱弱一問，人生第一場馬拉松跑 2:59，之前每星期練得一課20K咁大把，係唔係好失禮?》又不見有人留言話樓主空槍上陣，訓練不足，不尊重賽事，唔係人云云。

雖然 Eric 口裡說不介意，無恙。但試問老練如「燒山」被人話係「神燈」，都會發火，我等平凡人怎會不說聲「痛架…X你」。所以我叫 Eric 將班冚家剷的惡毒留言當 BCAA 咁啪，走到37公里時，拿出來鼓勵自己，冚家剷，多L謝哂。

在東馬，我看到渣馬見不到的人性，照片中是包尾的輪椅選手，他得到的掌聲、歡呼聲、頑張って是領先主車群的一萬倍。

這條片是在臨近最後195米拍的，你會見到觀戰群眾瘋狂地為選手打氣，pacer team 努力吹雞打拍子，鼓勵選手堅持下去，sub-4 就是近在咫尺，跪都要跪返終點呀，熱血到呢。

希望別人進步和達成目標，不是靠X返來的。這就是人性。

沒有最毒，只有更毒

論惡毒其實班冚家剷的留言都未夠班，學嘢啦。相比之下，「抵L死」三個字是如斯軟弱無力，小學雞。

(慎入，大量粗口)

『妳只是一隻講大話，假冒跑者的「肥西」，X妳呀。妳不是跑手。妳從來沒有透露妳所走過的所謂馬拉松的完成時間。我只睇過妳在扮跑步的影片。妳只是一個笑話! 我龜速行都快過妳隻「肥西」跑呀。妳唔會戇鳩到以為有人會相信妳條「臭西」得架。真專業跑手邊L度有妳咁L肥吖。靠馬拉松搵食嘅運動員唔會有妳呢種癡肥體形嘅。收皮啦，X妳。妳想宣揚「肥美」和要人接受妳這黐L線、死全家的觀念。X妳啦!』