跑步的使費 The Cost of Running (五) 放棄的代價

Why you start?

點解你會開始跑步? 點解你會想參加比賽? 點解你會花錢花時間去報名? 點解你會花錢花時間去練習? 點解你會站在起跑線?

“Never let what you cannot do, interfere with what you can.” – John Wooden

當你在超馬比賽中途想放棄的時候，想想以上的問題，想想你付出過的努力、體力、精神和金錢，想想支持你的家人朋友，如果有朋友願意做你 support，不辭勞苦出錢出力出時間，比預約更早到支援點守候你，你估佢地無嘢做咩? 佢地 support 你係因為他們相信你的能力，他們相信他們的出現可以為你打氣，令你堅持去完成艱鉅的挑戰，所以跑手們唯一的『任務』就是照顧自己，一步一步向前走向終點!

但要提醒一句，支持你的人不是妹仔伙記，他們沒有收人工受你氣，所以請跑手好好觀察並控制自己的情緒，沒有必要對他們大聲呼喊。

人生在世，總會遇到挫折或低潮，當你在比賽中途感到不適或無力，想放棄退出，試試以下幾個想法幫助自己走出困境，因為當下一刻除了自己，無人可以幫到你。

1. 每個人都一樣咁辛苦

你覺得好熱? 你隊友都係。
你個肚唔舒服? 你周圍的跑手都食唔落。
你對腳痛又起水泡? 好多人都有，精英跑手都不例外。

跑超馬就要面對不同的情況，但如果咁小的事你都 handle 唔到，相信夜晚瞓在床上會諗點解咁蠢會放棄，或者你應該諗自己是否適合跑超馬?

2. 所有的努力會付諸東流

當你想放棄時，我請你坐在一個安全的地方，深呼吸，調息自己，之後靜靜地回想一下。

整個夏天，每星期返工前放工後的跑步練習，衝圈衝到斷氣；週末放假三十幾度高溫操山 (雖然呢個我唔同意) 又犧牲同家人朋友相處的時間；仲有腳痛腰痛睇醫生物理治療的錢同時間，公司 Annual Leave，賽前準備裝備機票酒店等等，如果仲可以行落去，點解唔堅持?

3. 想想睇少你的人

好多人都口講支持，但心底裡又葡萄人地叻過自己，因為他們見到你成功，會令佢地覺得自己唔掂。所以好多人都會在背後睇死你『玩唔完』、『跑唔晒』、『中途 Quit』

如果你無呢啲朋友 (或者唔知有無)，恭喜您! 依家可以發揮你的想像力，假想有人睇少你，你要做的事情好簡單，就係證明俾佢地睇—佢地係錯嘅!

希望大家可以在餘下的賽季發揮實力，別讓努力白費! 路上見，互勉之!

跑步其實真的不需要很多物質支持，如果你有別有睇法，歡迎大家提出討論，或電郵我商討訓練方針 [email protected]

Wong Ho Fai Facebook 專頁

更多：
Fitz.hk Facebook專頁
跑步的使費 The Cost of Running (四) 跑步回報率 (pt.B)
跑步的使費 The Cost of Running (四) 跑步利潤 (pt.A)
跑步的使費 The Cost of Running (三) 慳錢的藝術
跑步的使費 The Cost of Running (二) 時間成本
跑步的使費 The Cost of Running (一)
Fitz Running 跑步