一個6km既比賽,開賽前乜都冇準備,仲諗住當一個6km既路賽玩,諗住40分鐘內點都完成到😂😂原來係我自己太過輕敵,完完全全冇expect過係差d carry唔住,我都係臨上線前先知有20個障礙物(絕對絕對唔係充氣果隻)😂

點解咁講呢,原因係因為…… 之前玩過所謂既障礙賽,所謂既障礙只不過一D充氣既障礙😂點知…… 比賽前一日先發現,Spartan Race 係堅有料,全部既障礙都堅係痴線🙄冇返一定體能同耐性都搞唔掂。

玩完呢個Spartan Race之後發現,原來Suunto spartan sport wrist HR仲有料,係岩岩過去果2個鐘,戴住佢歷盡上天下海,深入泥漿陣地,再打左幾個前滾翻,竟然可以完整無缺咁完成6km。開住GPS短短2個鐘都只不過係用左1x%電,佢既100m 防水功能應用係泥漿入面一樣冇問題😂隻錶最後一D事都冇。有嗰果個,只係我!😂全身俾泥漿覆蓋,連我自己都差d認唔到自己😂😂

完賽後我對鞋變左泥漿鞋,連對鞋係咩牌子都認唔到😂真係搞唔掂,本身仲諗住做個環保小先鋒,拎返對鞋返屋企,但最後真係頂唔順,被逼拋棄呢對陪左我大半年既跑鞋。

如果對 Spartan Race 有興趣,而且又想下年參加,我係到比小小提示大家😂

  1. 畏高者小心,最後既繩網真係幾高
  2. 忌水者注意,需要成個人浸入泥水入面
  3. 有潔癖既你就一定要留意啦,玩完之後全身係冇一個地方亁淨
  4. 最好就緊係著一d比較殘舊既衫褲鞋去玩,要有心理準備玩完會唔要
  5. 留意返自己隻手錶係唔係防水,唔好盲中中帶左隻唔防水既手錶,如果唔係你儲定錢買過隻新既都得啦
  6. 比較建議大家著緊身衫褲去玩,因為有d障礙物有機會括傷身體
  7. 可以建議大家戴勞工手套,好多 Tasks 都要用到雙手,我自己就玩到雙手磨到甩皮



更多:
Fitz.hk Facebook專頁
[日本富士五湖超級馬拉松] 只要敢想 就有可能!
[怯~你就輸了!] 一對踏上大賽頒獎台的地球人
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/