疫症高峰一浪接一浪，政府全線關閉戶外戶內康樂及運動設施。不過，早前有媒體發現，唔少泳客為咗去海灘游水，竟然唔理禁令強闖泳灘，更破壞海灘設施。康文署於是加強執法，並於官方網頁發出措詞強硬嘅公告。
筆者呢兩日親身視察其中一個被破壞嘅泳灘，荃灣青山公路麗都灣，發現幾個出入口都以膠欄及膠帶，嚴密封鎖。一般人如果無適當工具，根本唔可以進入。而且，因為泳灘所有出入口關閉，於麗都灣沙灘側邊嘅休憩公園，亦無路可入。筆者在視察期間，有釣魚人士不得其門而入，失望而回。
距離麗都灣不遠嘅深井釣魚灣，亦嚴密封閉，沙灘正中央更豎立禁止落水嘅告示，而海灘有唔少人進行清潔。
疫症嚴重，為人為己，大家請遵從政府防疫措施，Stay home, save lives.
去去，武器走！
