Fitz > 運動 Sports > 游泳 Swimming > 泳總促開放游池 福布斯: 安全仍有爭議
圖: 康文署

政府宣佈新一輪防疫措施,除咗大派口罩、宣佈復課外,亦會開放戲院、美容院、健身中心等場所。不過,雖然夏天來臨,但游泳池及泳灘仍然開放無期,香港業餘游泳總早前發聲明敦促政府,希望盡快開放公眾泳池。

泳總建議政府在疫情期間,於泳池實施以下措施:

  • 進入泳池先量體溫,雙手要消毒;
  • 進入泳池人士要申報過去14天的外遊紀錄及健康狀況;
  • 加強泳池消毒次數;
  • 限制每條泳線人數至15人;
  • 每條泳線單程游泳;
  • 更衣室不設洗澡,只作更衣用途。

泳總聲明最值得細味地方,係引用了美國疾病控制與預防中心 (CDC) 研究。呢份研究結論係「沒有證據顯示2019冠狀病毒病,會透過泳池傳播給人類,病毒並不活躍於正確消毒的泳池。」不過,財經雜誌《福布斯》以過去幾個大型研究分析,去探討泳池同武漢肺炎病毒關係:

  • 2009年科學期刊《Water Research》以同屬冠狀病毒嘅 SARS (SARS-CoV-2),研究呢啲病毒喺水中存活情況,結論係「冠狀病毒在水中和經過巴氏滅菌處理的污水中,可以長期保持傳染性」。
  • 本年4月法國有人研究巴黎污水系統,指 COVID-19 可經污水傳播。
  • CDC 指出:「沒有證據表明,COVID-19病毒可以通過水池,熱水浴池,水療中心或遊樂區中的水傳播給人們。對於這些事情,水不僅會稀釋病毒,而且用氯和溴消毒,也可能消滅病毒。」

福布斯文章強調,就算 CDC 相信泳池池水嘅氯有效消滅病毒,不過泳池四周污水、更衣室、浴室嘅積水,仍然係病毒傳播媒介,所以現階段要重開游泳池,似乎未必係最適當時間。

我哋亦明白游泳教練處於艱難時期,所以好希望政府提供適切協助。

資料: 《福布斯》、泳總新聞稿 (5月5日)


文章為作者意見,不代表Fitz立場。