[IRONMAN Phuket 70.3] (1) IRONMAN 是一件很浪漫的事情!

由

2016-12-05

Fitz > 運動 Sports > 三項鐵人 Triathlon > [IRONMAN Phuket 70.3] (1) IRONMAN 是一件很浪漫的事情!

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%858 玩 IRONMAN 其實係一種好浪漫嘅行為，蔡東豪先生講過，浪漫唔一定要詩情畫意，可以係一種性格一種生活方式，一種心境甚至再簡單啲係一種行為！隨心而發細至觀察螞蟻慢行，大至人生目標，都可以好浪漫！

運動可唔可以浪漫？三鐵運動咁激烈都浪漫？職業運動員我唔清楚，但業餘三鐵運動員絕對係一種浪漫嘅行徑！

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%854

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%856 Professional 與 Amateur 的分別是什麼？Professional Athlete 職業運動員做運動喺佢哋嘅工作，每一次嘅表現與表演都影響其收入，住什麼洋樓，養什麼番狗，揸波子揸 Benz 定揸福士，食碟頭飯飲例水定飲香檳食牛排同美女玩耍，同廣告人要 Pitching 比稿， Sales 推銷員地產 Agent 要開單，建築工人紮鐵師父要返地盤，漁夫要打魚農民要種田，完全一 Q 樣，係為咗揾兩餐晏仔混兩口飯吃，七餐一宿存款充足！

而 Amateur 呢？首先 Amateur 呢個字其實源自拉丁文，意思係 To Love ” 去愛 “！嘩，拉丁文喎！？幾鬼浪漫！

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%853 Amateur 運動員專注於一項運動，就係因為好鬼簡單，因為 To Love！愛運動！愛三鐵呢種 Mind – Over – Body 嘅運動！

因為 To Love，可以控制飲食戒油戒鹽戒肥戒雪榚仲戒埋煙戒埋酒，可以一星三五次天濛光洗淨眼屎 0430，0530 就起床操練！

因為 To Love，可以忍受反覆練習後嘅反覆疲累，傷患嘅疼痛，烈日煎熬汗流夾背凄風冷雨寒風刺骨依然樂此不疲！

因為 To Love，可以化忍受為享受去跑完沉悶嘅 20 公里 30 公里，可以廢寢忘餐周而復始地喺游泳池內一個塘又一個塘咁游來游去！

因為 To Love，可以氣喘如牛耗盡精力抽住四頭肌喺陡斜嘅山路上搖住單車努力爬坡，再喺平路或下坡時忘卻恐懼如風飛馳！

因為 To Love，就算不容易，就算會猶豫，都會一直堅持苦練落去。當跑到終點按停隻 GPS 計時錶，當最後一個塘雙手碰到泳池邊沿，當爬到山頂雙腳從 Lock 踏上放下來踩在地上腳踏實地那一刻，Amateur Athlete 先真正感受到夢寐以求嘅安多芬，從運動中帶嚟一直追求嗰種莫名奇妙嘅東西，This is To Love ！

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%8511

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%8513

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%857

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%8512

經過半年嘅艱苦操練，我哋一行 44 件業餘運動員終於先後踏足布吉島，同上次台東普悠瑪相比，IRONMAN 作為國際品牌果然神仙放屁不同凡響，不論塲地佈置，賽道安排，briefing meeting 等等都做得好好，甚至出動航拍機又 CG 又盛剪條片去解釋邊處落水邊處上水，邊處上車落車條路線點走點轉彎等等！ ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%851

ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%852

有咗上次台東嘅經驗，加上布吉島實在非常優美嘅環境，美味嘅泰國食物，而我哋又專登早到埗兩日或三日，適應炎熱嘅天氣，視察場地，真真正正喺賽道上游過踩過跑過！大伙兒嘅心情好明顯無咁緊張，直至 ………..

比賽前一晚黃昏，大家已經將單車按大會規定 Checked in 入轉項區，16:00 之後，無人可以再入返去接觸自己部車！ ironman-%e6%98%af%e4%b8%80%e4%bb%b6%e5%be%88%e6%b5%aa%e6%bc%ab%e7%9a%84%e4%ba%8b%e6%83%855 18:00 ，暴雨唿哨而至，四方八面從金光四溢夕陽西沉，須臾之間變成瀑布般的滂沱大雨，打得我們的心像15個吊筒七上八落忐忑不安！