Fitz > 運動 Sports > 三項鐵人 Triathlon > [Road to IRONMAN TWPH] 唐吉柯德 X 桑丘 X 54!!!!

好久好久好很久以前西班牙一個叫 Ia Mancha 嘅城市……….

一個中年沒落紳士,某年某月某日挑起條筋忽發奇想,要成為人人稱頌嘅游俠騎士,要挑戰強權要挑戰巨人要挑戰火龍,要親歷危險要流汗血做硬漢子要征服不可能嘅旅程,要好好活一次賴理傍人冷眼相看冷言冷語嘲諷,說什麼明知不可為而為之不自量力,執意上征途。可幸路上竟然遇上志同道合嘅伙伴,踏上一次又一次有你有我有天有情有海有地嘅奇妙旅途!

Don Quijote 唐吉訶德與同伴桑丘嘅歷險故事由十七世紀流傳千古膾炙人口,有人覺得戇居白癡有人覺得熱血勵志,古語有云你係什麼樣的人就看出什麼端倪來! 從來甲之熊掌乙之砒霜自古皆然屢見不鮮!

2018年嘅香港,一樣有一班人同大部份香港人一樣營營役役爲口奔馳日日諗住買樓夜夜想住退休,稍有不同嘅係我哋熱愛運動熱愛挑戰而且稍為戇居,相信 Nothing is Impossible ,從 Boot camp 開始按部就班或者越級挑戰馬拉松,不自量力挑戰山賽不知好歹挑戰兩鐵跟手不能自拔挑戰三鐵,從最短距離嘅515開始,挑戰70.3挑戰 IRONMAN,挑戰好多人覺得匪夷所思嘅 IM 226 賽事,游3.8公里踩 180 公里再跑一個全馬42.195公里!

我哋全部都只係業餘運動員,有阿叔有肥佬有中女有 OL 有經理有靚仔有靚女,一樣要起早摸黑返工揾兩餐晏仔一樣要照顧家庭擔心呢樣操心嗰樣,同好多香港人一樣覺得時間永遠唔夠用,但依然擠出時間去練水練車練跑,全部都係普通人做普通嘅職業,同樣面對普通人嘅各樣普通及唔普通嘅難題,一樣擔心游游下抽筋踩踩下抄車跑跑下虛脫,略為不同嘅係呢班戇居嘅人有相同信念及夢想! 相信通過反覆嘅艱苦鍛練可以突破一般人望而卻步嘅目標,相信擔心不如用心相信人生不可以被恐襲主宰,唯一走出 Comfort Zone 嘅辦法就係跨過佢! Impossible is Nothing!

您上一次第一次做一件覺得無可能做到嘅事情係幾時? 您可曾同一班朋友一齊去做一件好想做而從無諗過自己會完成嘅事? 仲記唔記得從決定到準備到終於努力完成嗰份初心與喜悅?

十月台灣澎湖,MidageOn9 竟然有五十幾人再一次出戰 Full IRONMAN 226,能夠再一次參與其中與有榮焉!

五十幾個唐吉柯德同桑丘,未來半年一起備戰一起流汗,將會係又一次半生非常值得懷念嘅經驗!

隊友們,Let’s enjoy this journey!

編按: 第四屆 IRONMAN Taiwan 於2018年10月7日於澎湖舉行。

Fitz 文章連結: https://fitz.hk/?p=92433


更多:
Fitz Facebook專頁
[在陶波遇上墨菲] 新西蘭 IRONMAN TAUPO 賽後記!
人若然忘記了愛,忘掉同時間比賽……!
[新西蘭Taupo Full Ironman] 明明已經過226 點解仲要452?
[Ironman Cairns 226] 一切從狗噏開始……!
Fitz Triathlon 三項鐵人


文章為作者意見,不代表Fitz立場。