踏入行山季節，人人都話要上山睇芒草、睇紅葉，毛孩主人梗係想帶埋同佢哋嘅主子一齊開心。咁狗狗可唔可以行山? 當然可以，不過亦有幾件事要特別留意。
身體情況
先要了解狗狗嘅身體情況，如果病患，特別係關節有毛病、痴肥、心臟病等都唔好行。如果狗狗平時少做運動、未行過山，都唔應該行啲艱難路段。此外，有啲品種如拉布拉多、狼狗等，因為天生有盤骨有缺陷，最好揀啲無乜樓級嘅路線。
主人自己亦了了解自己身體情況，平時無做運動就唔好行大東山睇芒草，免得要狗狗救番你落山。
----- 廣告 Ad -----
規劃路線
漁護署《郊野樂行》有齊香港境內行山徑資料，如果唔知狗狗咩狀態，就揀啲兩個鐘之下嘅山徑。揀選路線時，亦要計劃中途休息、補給等等安排。
裝備要充足
必須要帶備狗帶及口罩，以備不時之需。亦要預備飲用水、小食，供狗狗補充體力 (當然主人亦要預備埋自己嗰份)。事前亦為狗狗防蟲防蚊。
郊野公園無禁止狗狗行山，但署方提醒主人要好好照顧犬隻
行山時顧及狗狗安全
- 在山徑時要阻止狗狗進食不知名植物，以免誤食有毒植物
- 遇到野生動物 (如猴子、野豬) 要制止狗狗不會驚嚇牠們
- 留意狗狗身體狀況，如短鼻犬種散熱差，小心中暑。主人亦要定時注意狗狗有沒有關節痛、體力不支等問題。
行山後之護理
- 盡快為狗狗沖涼，以免細菌及寄生蟲侵害身體
- 細心檢查狗狗嘅關節及腳掌，以防行山時受傷而不察
資料參考: Espetsso
永誠
講求綠色、環保、天然的健康生活。推廣新一代健康生活文化。