要環繞香港島一周，大概60至70公里，無論跑或者行，都要有番少少體力先可以一口氣完成。不過，要環島唔一定要用對腳，捉棋一樣得!
最近有山友拎呢款「環島步行棋」出嚟懷緬一番，紙上環島行希望可以滿足大家環島嘅願望。
「環島步行棋」玩法
- 一共82格，起點 01跑馬地，終點82灣仔
- 玩家投骰仔，依骰仔點數向前行
- 一旦踩上唔同顏色嘅格仔，有獎或有罰
- 邊個最先到達終點，邊個贏
圖: 舊時香港．討論區
七十年代香港風情
「環島步行棋」係1977年產物，由「香港泰昌安記書局」出品，袁安清設計。好唔好玩要玩過先知，不過單睇棋盤設計以至地名，都充滿住當時嘅香港情懷。
當時嘅地名，更加係新一代香港人都未必知。好似話維多利亞山即係太平山，督轅府即係而家嘅禮賓府，天文台位於尖沙咀海旁。
圖: 舊時香港．討論區
圖: 舊時香港．討論區
圖: 舊時香港．討論區
要認識一個地方，可以有好多方法，捉棋一樣得!
資料: 舊時香港．討論區
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。