武漢肺炎重創全球旅遊業，尼泊爾嘅攀山活動亦告暫停。尼泊爾政府為咗振興當地旅遊業，其中一招改善山區嘅流動網絡。當中最重要嘅建設，就係於海拔5,300嘅珠峰基地營 (EBC)，為旅客提供免費WiFi。
山區網絡全面提升
尼泊爾電訊管理局 NTA 宣佈，政府將斥資6900萬美元，於各個山區興建無線網絡發射站，除咗 EBC 珠峰大本營外，亦包括 Lobuche，Monjo，Namche Bazaar，Phakding，Feriche 和 Tengboche 等山區，預計8個月之後可以提供免費 WiFi 服務。而有關承建商聲稱已解決地勢及高海拔問題，於零下20度之下，仍可提供高速 WiFi。
過去尼泊爾山區嘅網絡，多數由當地旅館提供。不過旅館嘅網絡不甚穩定，而且價錢貴。外國旅客每次接通網絡，都要付出大概10美金。若果能夠有穩定網絡，除咗吸引更多旅客外，亦對救援工作有所改善。
----- 廣告 Ad -----
大家去到咁靚嘅山都應該唔使開 WiFi 睇 Netflix，不過有 WiFi 嘅話，萬一有事要求救點都安心啲。
資料: Nepalitelecom
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。