日本湘南馬拉松提倡BYOB
日本湘南國際馬拉松，雖然因為疫情延期至2021年2月28日，但賽會仍公佈了賽事細節。當中比賽最大改動，就係以「無垃圾」為目標。比賽大會強制參加選手要自備水樽 (Bring Your Own Bottle, BYOB)，拒絕紙杯，以令比賽做到真正「無垃圾」。
湘南馬拉松大會強調，呢項安排兩年前已經確立，與疫情無關。其實，長跑比賽製造嘅垃圾及浪費問題，一直被環保份子指摘。
馬拉松比賽製造大量垃圾
----- 廣告 Ad -----
後疫症時代的衛生意識
湘南馬拉松呢一項 BYOB 安排，可能係疫症後長跑賽事指標。過往路跑賽事嘅水站，大多採用紙杯預先斟水，選手伸手從枱上取用，飲用水暴露於空氣中，容易受到污染。疫情爆發後大家更重視衛生，呢個做法實在有改變需要。湘南馬拉松由選手自己斟水，又可唔可以保持衛生呢? 真係實行過先知。
此外食物補給方面，過去容許選手伸手在食物堆拎嘢食 (如切好嘅香蕉)，疫情爆發後大家仲敢唔敢拎呢啲無包裝好嘅食物呢? 相信各個大會需要好好研究日後補給食物嘅安排，例如採用獨立包裝食物等，但又可能導致更多浪費問題。此外，每場比賽人數及密度、水站距離等，都可能需要更明確或更新指引去配合疫症發展，希望未來比賽重新出台，IAAF 或其他權威組織會好好去探討。
資料: Japan Times
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。
