香港單車徑縱橫新界區，雖然佢嘅計劃、設計，以至維修都受人垢病，不過至少可以鼓勵市民以單車代步。其實香港單車徑有兩大分類，並以地面顏色顯示。
主幹線: 紅色地面
興建中嘅河上鄉單車徑
紅色地面嘅單車徑，稱為「主幹線」，係往來區與區之間嘅單車徑。大致而言，各區嘅紅色單車徑規劃情況:
----- 廣告 Ad -----
- 沙田一: 大圍 (顯徑) > 沙田公園 > 沙田馬場 > 馬料水 > 白石角
- 沙田二: 大圍 > 車公廟 > 圓洲角 > 石門 > 馬料水 > 馬鞍山
- 大埔一: (接沙田) > 大埔滘 > 元洲仔 > 林村河 > 太和 > 九龍坑
- 大埔二: 元洲仔 > 汀角路 > 大美督
- 北區: (接大埔) > 塘坑 > 靈山 > 北區運動場 > 上水工業邨 > 塱原 > 古洞
- 元朗一: 新田 (興建中) > 錦綉花園 > 凹頭 > 元朗工業邨 > 橫洲
- 元朗二: 橫洲 > 水邊圍 > 青山公路 (屏山) > 接屯門
- 元朗三：橫洲 > 天慈 > 天盛 > 洪天路（接駁青山公路）或 > 樂湖 > 天恆 > 濕地公園
- 屯門一: (接元朗) > 藍地 > 兆康 > 屯門河 > 龍門居 > 湖山
- 屯門二: 湖山 > 三聖
- 屯門三: 湖山 > 蝴蝶灣
- 荃灣區: 柴灣角 (麗城) > 荃灣公園
- 港島南區: 數碼港
地區支線: 綠色地面
各區都有單車徑支線，連接不同屋邨、村落，以及主要交通幹道。例如天水圍、馬鞍山、將軍澳連接各個屋邨，或是屯門龍鼓灘接連各個村落的路線。
可參考運輸署「單車資訊中心」: 主要單車徑路線及泊車地點
單車匯合中心
為咗配合陸續落成嘅「新界單車徑網絡」，政府計劃於各區之間單車主幹道，興建多個「單車匯合中心」。匯合中心設有停泊位、廁所甚至小食亭，方便踩單車人士可中途休息停留。
天水圍單車匯合中心設計圖，計劃於8月啟用
值得注意嘅係，雖然行人喺單車徑步行或跑步均屬違法，不過踩車時仍需小心謹慎，而且如果附近有單車徑路段，切記單車不能踩出馬路。
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。