政府公佈最新《財政預算案》，今次有專題講及郊野公園 (第149段)，總共有230個字:

「我會預留五億元優化部分郊野公園設施，例如增加觀景台、樹頂歷奇和升級露營地點等康樂元素；改善洗手間設施、燒烤及野餐地點，以及修葺戰時遺跡作開放式博物館，豐富訪客體驗，增加郊遊樂趣。新設施會盡量符合低碳及綠色的原則，設計融入自然，亦顧及不同年齡層及傷健人士的需要。

預計新設施將於未來兩三年開始陸續落成供市民享用。我亦已預留五千五百萬元，讓旅遊事務署聯同漁農自然護理署在未來五年，就郊野公園內十條熱門及具旅遊潛力的行山徑推行第二期改善計劃，提升市民及旅客的消閒體驗。」

《財政預算案》預留款項改善郊野公園設施

5,500萬改善10條行山徑

預算案發表後，多個媒體不約而同報道「消息人士」嘅講法，提及10條將會改善嘅行山徑，涉及5500萬:

1	獅子山歷史徑	獅子山郊野公園
2	城門歷史徑	城門郊野公園
3	香港仔畔塘	香港仔郊野公園
4	鳳凰徑第三段	南大嶼郊野公園
5	橫七古道	八仙嶺郊野公園
6	梧桐寨瀑布徑	大帽山郊野公園
7	戰地遺跡徑–鹿頸	八仙嶺郊野公園
8	太墩至北潭涌	西貢東郊野公園
9	石龍拱至蓮花	大帽山郊野公園
10	楓香林至黃泥墩水塘	大欖郊野公園

係改善定係破壞?

Fitz Facebook專頁於預算案發表當日，即時發佈消息，網民對於呢五億撥款，討論相當踴躍:

• 「修葺戰時遺蹟」呢個重點嚟。用意淡化香港保衛戰英國同加拿大守軍嘅地位，破壞所有英治時期遺蹟之原貌同裝潢。等後人無以憑弔。
• 幫下塔門啦! 派人綠化下啦!
• 開車路上蚺蛇尖狗牙嶺爛頭營吖笨
• 10條熱門行山徑，每條加建1個涼亭應該就要5億5仟5佰萬
• 唔搞好過搞…… (好多山徑) 近年變晒石屎路，我唔想康柏郊遊徑步佢後塵
• 加圍欄防止行山撚墮崖?
• 係龍脊畫條龍脊當“美化”, 跟住盧吉道加美食亭 當“美化”, 整到行山徑變購物大道咁!?
• 不管如何，政府肯投放資源於山徑交野公園仍是好事..針山麥徑3段等被行爛晒需要修復。
• 佢地一直既思維……實在令人擔心
• 起埋D咁既野不如修復返D山徑先啦!
• 我諗起早幾年鋪雲石 (指荃灣石龍拱)
• 即係郊野公園市區化，市區化咗之後仲係咪郊野公園?
• 整好啲山徑先啦，麥二落浪茄、麥三落水浪窩，啲路真係越來越爛

預算案口中嘅「改善」，講嚟講去都離唔開「興建」二字。不過郊野環境最怕發展過度，市民嘅擔憂政府又會唔會認真對待?

資料: 財政預算案