到底海外運動員使唔使打疫苗? 打邊一隻? 入境後要隔離幾多日? 近日甚至有消息話，各項比賽甚至不設現場觀眾。咁多問題未解決，都唔知呢次奧運會唔會順利舉行。
奧委會主席巴赫 Thomas Bach 就已經行快幾步，佢提出明年喺日本舉行一場半馬拉松賽事，以「慶祝奧運會成功舉辦」。
----- 廣告 Ad -----
奧委會主席巴赫 Thomas Bach
呢個建議，日前就喺有關會議一致通過，「慶祝半馬」計劃於2022年秋天舉行，將會邀請喺奧運獎牌選手作賽。奧委會話，呢場比賽係為咗答謝東京官民嘅支持，令奧運可以圓滿舉行。
之不過，今年7月舉唔舉行到都未知，而家諗定慶祝活動，會唔會早咗啲?
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。