朱可銘向傳媒展示當日救人嘅窰洞
甘肅省白銀市山地馬拉松21死慘劇，當地牧羊人朱可銘獨力救出6名身陷險境跑手，受到各方面激烈讚賞。不過事隔一星期，朱可銘受到各方壓力，宣佈退隱。
成為媒體焦點後，朱可銘收到四方八面而來嘅電話追踪: 有啲想做電話訪問，有啲要當面訪問，更有幾個大型網媒希望安排同佢做live。朱可銘話，電話太過繁忙，早幾日因為咁而壞咗。
----- 廣告 Ad -----
不過令朱可銘最唔開心嘅，就係網上流傳佢會接受某個媒體做直播紅人，仲話已經簽約。有人甚至為朱可銘搞籌款、募捐，話要救濟當地人。朱可銘驚有人受騙要發帖澄清，更決定退隱網絡，唔再接受訪問。
朱可銘於帖文強調，佢只不過個腳踏實地嘅農民，放羊之外，佢亦要兼顧農務。而呢幾日係農忙時間，所以咁多電話搵佢，成為嚴重滋擾。而佢亦話唔使外間救濟，呼籲大家唔好受騙。
資料: 中新網
