消防處最新公佈攀山拯救事故數字，由2021年1月至4月，共錄得426宗攀山拯救事故，243人受傷。短短四個月內，數字已佔2020年總數70%，比去年同期倍增1.7倍。
消防處特別提到，今年5月有一宗發生於馬鞍山彌天棧道嘅罕見意外，一名中年婦人於上址攀爬期間下墮15米受傷。
【⛰️心繫巿民】面對山泥傾瀉突襲、大石衝擊可能會粉身碎骨，但救援人員 👨🏻🚒👨🏻🚒👨🏻🚒 依然奮不顧身，以身擋石 🪨 ，就算自己受咗傷都能夠處變不驚，將傷者帶離險境 💪🏻 去片睇睇一眾消防員驚心動魄嘅拯救過程 ▶️
#馬鞍山 #牛押山 #彌天棧道 #懸崖 #山泥傾瀉 #消防處 #高空拯救隊 #政府飛行服務隊 #民安隊
Posted by 政府新聞網 on Friday, May 28, 2021
呢宗意外，亦反映近年唔少行山人士犯下嘅錯誤:
----- 廣告 Ad -----
- 與婦人同行一共有5人，佢哋原本互不相識，係透過社交平台群組結伴行山。有理由相信，佢哋之間體能、技術都有頗大差距，默契亦欠奉
- 彌天棧道屬超級危險路線，對技術、體能、裝備要求甚大。一團「烏合之眾」去挑戰呢條高難度路線，可以話係不自量力
消防處話，當日救援時消防員要面對懸崖上嘅落石，部份落石更有成部冷氣機咁大，亦有消防員因為咁而受傷骨折。消防處強調，市民唔重視行山安全，除咗令自己身陷險境，亦會令消防員面對不必要危險。佢哋提醒市民，行山前要做足準備，唔好只係接收簡單資訊，「睇咗 YouTube 短片當清楚路線」，亦唔好倚賴山徑嘅絲帶。
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。