大陸另類「水上活動」浸腳打麻雀捉棋一條龍

踏入7月，大陸各地受到熱浪侵襲，民眾都要諗辦法消暑。平常最鍾意街頭、公園打牌、捉棋、吹水嘅四川人，酷熱天氣之下唔可以進行呢啲咁傷腦筋嘅活動。有商人就睇準商機，開設上圖呢啲「浸腳加打牌」嘅「上水活動」。

廿年前仲屬於四川省嘅重慶，甚至將呢啲「水上麻雀館」，設計成「水上活動中心」。顧客可以喺水上捉棋打牌，甚至可以嘆茶。

有用家向記者表示，佢屋企雖然有冷氣，不過去公園唞涼係一項重要社交活動，所以佢每星期都會去一兩次，每次玩幾個鐘。

有人於河溪打麻雀

醫生: 長期浸腳有礙健康

大熱天時浸住對腳當然舒服，不過有醫生警告呢啲「水上活動」存有健康隱患:

1. 從相片可見，「浸腳池」裏面有客人嘅腳，仲有麻雀枱椅，池內衛生環境難以控制，細菌容易經池散播。
2. 腳板滿佈微絲血管及神經線，腳部浸於水中當然可以降溫，但浸腳太耐會令血管收縮，影響血液循環。

資料: 搜狐、新浪網