7月11日，印度廣泛地區受雷暴侵襲，一日內有68人被雷劈死，其中西北部 Rajasthan 省一個旅遊景點，兩次雷擊共死咗11人。
事發位於 Rajasthan 省著名旅遊景點琥珀堡 Amber Fort。琥珀堡建於1592年，為世界文化遺產，深受遊客歡迎，旺季每日有超過5000人遊覽，係當地城填嘅最高點，可飽覽城市全貌。
雷擊之時，大批遊客仍然逗留喺城堡最高處打卡影相，但係40分鐘內兩次雷擊，導致11人死亡。而每年6至8月都係印度雨季，經常發生雷暴意外，今次當被雷劈死嘅68人，大部份都係落田耕田嘅農夫。
打卡係意外主因?
天空產生嘅雷電要釋放強勁能量，就會找尋地上距離最短嘅路徑，亦即係話找尋地上最高點。所以，為免被雷劈中，就係逃離高地，或於空曠地方瞓底。
此外，手機具有良好導電物質，會吸引電流，雷暴期間千祈唔好拎部電話出嚟。著名科普節目《MythBusters》曾作實驗，證明行雷時玩手機會較易被雷擊中。
戶外地方聽到雷響，記住就第一時間收埋手機呀。
資料: 中國時報
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。
