踏入2022年，大陸疫情反覆不定。截至1月19日，全國有27個高風險地區，64個中風險地區，其中以天津、河南安陽市、許昌市、陝西西安最為緊張。至於鄰近香港嘅深圳、珠海、中山，亦傳出疫症爆發嘅新聞。因應疫情，北京冬奧亦採取嚴厲防疫措施，運動員要封閉式「安全保護氣泡」內生活，與外界「完全隔絕」，比賽亦不設公眾入場，反映官方對疫症仍然嚴陣以待。
不過，另一方面，大陸官媒呢幾日就吹風各地長跑比賽，會於3月全面復甦。
第一個出嚟唱好嘅係江蘇省，當地「體育競賽管理中心」發表下半年路跑賽事項目，由3月底開始，一共有10場比賽，比賽城市包括南京、無錫、蘇州等，其中3月20日竟然有5場賽事撞期。
此外，浙江省奉化市喺3月20日又搞咗個「中交未來城｜2022奉化海峽兩岸桃花馬拉松」，全馬、半馬、Fun Run 三個組別合共12,000人，仲已經開始報名。
3月27日江西省有個「龍虎山第三屆半程馬拉松大賽」，三個組別又係12,000人。
----- 廣告 Ad -----
山東煙台於4月10日舉行「蓬萊八仙馬拉松」，聲明「只限低風險的大陸地區」人士參加。
「3月20日」似乎係一個神奇日子，大陸長跑賽事喺呢一日開始復甦。主辦單位有咩原因，咁有信心賽事唔會因疫情受阻? 3月20日真係會清零?
依照大陸官媒嘅「往績」，唔少都有「春江水暖鴨先知」奇技，可以預早知道上天安排。大家未必關心呢啲比賽可唔可以順利舉行，不過疫情可能轉機，都值得關注一下嘅。
