Fitz > 運動 Sports > 健身 Fitness > 日本男情迷《鬼滅》伊之助，365日滾輪練出8嚿腹肌

日本有男子熱愛動漫《鬼滅之刃》，特別鍾情炭次郎嘅好朋友伊之助。有一日，該男子望望自己，再望望伊之助，就誓要將自己大肚腩變成8嚿腹肌。

男子採取「慢功出細貨」策略，計劃用365日，每日做滾輪訓練鍛練肌肉。結果佢一年裏面，以膝跪方式嘅滾輪做咗22,920次，直腿方式做咗13,037次，而體重由70.1公斤，減至57公斤。

一年前

一年後

佢話可以得到成果，係因為佢每日做滾輪大概100次，令佢感受到持之以恆嘅大道理。不過佢因為太過專注做滾輪，搞到背痛，而家佢改做深蹲訓練。