來自印度孟買嘅 Rhythm Mamania，於5月6日登上珠峰基地營 (EBC)，成為其中一位年紀最輕登上 EBC 嘅印度人。
Rhythm 4月25日由佢父母帶領，前後用咗11日時間抵達EBC。爸爸話，Rhythm 未接受過登山訓練，但體能比其他人好。Rhythm 係溜冰運動員，有跑步習慣，所以呢11日登山之旅唔算太辛苦。最難得就係，Rhythm 見到 EBC 有大批垃圾，主動提出要搬佢哋落山。
印度媒體話，尼泊爾官方並無相關紀錄，未知國際間最年輕嘅紀錄係幾歲。不過根據印度嘅登山團體嘅數據，Rhythm 相信係其中一位年紀最輕登上 EBC 嘅印度人。
資料: Times of India
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。