大浪灣泳客踩中毒魚「奄釘」送院治療

早前港九拯溺員工會於 Facebook 發帖，指大浪灣泳灘有兩名泳客分別被有毒魚類「奄釘」拮傷: 一名泳客喺沙灘踩中魚屍，毒剌拮入腳掌；另一名泳客則喺近岸水深1米處，一條「奄釘」魚屍被海浪沖向身體，毒針剌入大脾，更不能即時拔出。兩名泳客最後都要送院治療。

事實上，無論喺沙灘或海面，都會經常發現魚類屍體。就算魚本身無毒，魚鰭或魚剌都帶有細菌。如果畀魚屍拮中又無好好處理，傷口會受細菌感染，引致嚴重後果。

「奄釘」魚釣友怕怕

----- 廣告 Ad -----

「奄釘」魚 (Sea catfishes)，台灣叫成仔丁，屬海鯰科。呢種魚類常見於熱帶沿岸，鍾意匿埋喺海底砂泥。佢嘅背脊、胸鰭都係鋸齒狀，兼且有毒腺可以主動放毒，如果一個唔覺意踩中或者用手捉，都好容易會受傷。

因為呢類魚「蹺口巉手」，而且魚肉腥味較重，所以釣魚魚友遇到「奄釘」都會避之則吉。大家去到泳灘亦要小心。

講求綠色、環保、天然的健康生活。推廣新一代健康生活文化。