陳大爺支煙並唔係做樣，真係有煙噴出嚟。
大陸媒體《搜狐》報道，11月6日於杭州舉行嘅一場馬拉松，上圖呢位阿伯全程叼住支煙，跑完一場42公里馬拉松，完賽時間仲要係3小時28分45秒，一啲都唔慢。
----- 廣告 Ad -----
網絡流傳，呢位阿叔綽號「陳大爺」，今年50歲多啲，周不時參加全國各地比賽，佢「成名」賽事就係2017年杭州馬拉松，之後喺廈門馬拉松、麗水超級馬拉松，拉薩半馬時，都見到佢身影。大叔嘅標誌性動作就係全程比賽都會叼住支煙，煙癮起就會點著佢吸兩啖。「陳大爺」就算去到高原比賽都煙不離手，當時便有內地網友話:「人家吸氧，他吸煙，你大爺就是你大爺。」
2018年網上流傳一張廣州馬拉松嘅無格圖片，相中人係一名叼住支煙嘅選手，完賽時間係3小時36分，估計係呢位陳大爺。
2018年參加廣州馬拉松
按: 大陸馬拉松係咪禁煙就唔知，而翻查渣打香港馬拉松同樂施毅行者兩份活動守則，都搵唔到有禁煙條款。不過就算無禁煙條款，相信大家有公德心，唔會喺比賽賽道食煙。
資料: 搜狐
