咁嘅畫面都以為係真實賽事?
卡塔爾世界盃揭幕戰，67,000人入場，全球過億觀眾收睇。大戰當前，唔少人睇唔到電視轉播，唯有上網搵直播，點知 YouTube 一條打機片無端端湧進300萬名觀眾。
呢條片叫「[Live Stream] ECUADOR VS QATAR • FIFA WORLD CUP QATAR 2022 • REALISTIC SIMULATION」，內容係電腦遊戲 Simulation eFootball Pro evolution soccer 2021 嘅打機片段。雖然遊戲片段都係揭幕戰戲碼卡塔爾對厄瓜多爾，標題又講明係模擬「Realistic Simulation」，但封面圖做到咁像真，都難怪有人唔睇就 click 入去。短片播出24個鐘，已經有320萬人觀看，打機直播有咁多人睇，玩家都應該始料不及。
提醒大家，電視台要用天價先可買到世界盃電視轉播權，所以免費影視平台無乜機會可以睇到相關片段，大家要睇世界盃唯有交錢一途。
世界盃期間，日日都有呢類打機片
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。