香港的櫻花 圖: 康文署
日前立法會討論政府美化市容的計劃，康文署表示會在公園引入更多不同品種嘅植物，例如櫻花樹。
署方解釋，一般櫻花樹對於泥土及天氣都有相當嚴格要求，過去於深水埗亦有失敗經驗。不過近年康文署成功研究適合本地種植嘅櫻花樹，現已於大埔海濱公園及沙田城門河，成功種植約50棵本土櫻花，署方希望可將呢個品種嘅櫻花樹種去其他地區。
沙田及大埔櫻花
----- 廣告 Ad -----
議員何俊賢對於康文署種植櫻花樹表示反對，他質疑康文署要種「外來品種」植物，又建議署方多種植香港及內地物種，例如荔枝、龍眼、芒果，甚至土沉香。
櫻花非日本專利
何俊賢指摘康文署「東施效顰」，意指櫻花只有外國先有，香港唔好引入。事實上，櫻花源於中亞喜馬拉亞山脈，其後全遍全球，亞洲包括中國、韓國及日本，都可見到野生櫻花樹。而中國武漢、日本東京及美國華盛頓，稱為全球三大櫻花之都。
武漢大學的櫻花全國聞名
野生櫻花原本生長於寒冷地區，不過經過改良後，可以適應唔同泥土及天氣。康文署稱大埔及沙田所種植嘅50棵櫻花樹，全部都生長良好。
至於龍眼、荔枝、芒枝等果樹，其實唔太適合喺公眾地方種植，一來果樹會引來果蠅，影響公眾環境，二來成熟果實又會引來市民採摘。
新聞資料: 獨立媒體
永誠
講求綠色、環保、天然的健康生活。推廣新一代健康生活文化。