Saucony 於 Covid 期間重新進入香港市場，經過幾年發展，售賣渠道增加配合不同 Marketing 及運動員支持下，隨著大眾對產品認識及品牌提升，越嚟越多跑手會考慮 Saucony 作為訓練及比賽嘅選擇。
筆者過去一直以 Endorphin Pro 系列作為重課及比賽鞋，分別著過 Pro 1 及 Pro 3， 今次終於有機會試著 Pro 4。 今代前後掌落差為 8mm (39.5mm/31.5mm)，重量約 218g (男 US9) 跟 adidas adizero adios pro 3 相近，但首次著用第一感覺反而近似 New Balance FuelCell SuperComp Elite v4。
Endorphin Pro 4 結構賣點
Saucony 大波浪 logo 於鞋面非常顯眼，物料用上針織網布配合襪套型設計，透氣性極高及極具彈性。鞋舌與鞋身相連，有助減少鞋面因跑步動作而滑移，導致鞋帶鬆脫、鞋面不穩嘅狀況發生，作為一對競賽鞋款，這個設定對跑手絕對係一個貼心設計。Heel counter 位置沒有用上競賽鞋款嘅薄身設計，而是直接使用筆者最喜愛嘅 padded 設計，腳踭包覆感做得很好，唔會出現甩踭嘅情況，筆者以往著薄身設計都會出現甩踭情況。
中底物料採用了全新雙密度中底設計，上層採用了 PWRRUN HG 泡棉，下層則是 PWRRUN PB 泡棉，兩者都係 Pebax 物料，中間夾住全掌碳板。根據品牌解釋，HG 對比 PB 會密度較高，同時比較硬身，之前 HG 只用係 Endorphin Elite 中底，今次延伸至 Pro 4，希望提高穩定度，軟硬度感覺會更接近 Pro 1，預計品牌將會最大化 Pebax 中底，推出更多練習鞋款。另外，作為比賽級別鞋款，明顯見到前端 rocker effect 有助推動。
----- 廣告 Ad -----
圖: 網上圖片
鞋底採用了 XT-900 橡膠外底，根據官方數字，可以使用約 500km，當然因人而異，重量、落腳方式均會影響鞋底嘅壽命，但以 Supershoes 設定黎計，算係比較耐用。
跑後感
筆者暫時試過穿著跑咗幾節 interval 同 tempo 練習，過程中已經可以輕易感受到其推動力，interval 練習速度大約為 4:10-4:15/km，唔太淋身嘅中底係運動場泰坦地上依然有爽快腳感，雖然對比第三代重左少少，但唔會影響推進感，明顯嘅 rocker effect 設計會自然帶動前傾。
----- 廣告 Ad -----
另外，tempo 速度係 4:30/km 左右係馬鞍山吐公一帶練習，平路上可以充分感受中底彈性，等筆者可以更輕鬆去保持速度，而 XT-900 橡膠外底係階磚地同石屎路上都冇出現跣腳情況。
筆者係度補充番，對比上一代，Pro 4 鞋楦相對窄身，同埋中底加入 PWRRUN HG 泡棉後，冇咁淋，有啲人或者會覺得冇咁彈，對比我之前試過 On Cloudboom Echo 3 或 New Balance SuperComp Elite V4 嘅話，Pro 4 係軟硬適中，10k至半馬比賽都會係我選擇之一。
總結
各品牌不斷推出唔同款嘅競賽鞋，Saucony 亦有兩個 tier 嘅競賽鞋: Endorphin Elite 同埋 Endorphin Pro，作為平民跑手，Pro 系列已經足夠應付大部分比賽，或者強度要求比較高嘅練習；會係一對比較親民嘅競賽鞋，今次配色都非常 sharp。最後筆者咁遲介紹係因為筆者決定著埋去跑台北半馬做時間先完成，今次達成目標，個人感覺係一對 Lucky shoes，無論顏值，功能都帶俾我一個好回憶。
建議零售價: $1,799
