Cloudrunner 係 On 跑步系列入面定為穩定支撐系列，係筆者一直喜愛嘅系列，過去分別穿著 Cloudrunner 1 & 2 一段長時間，見證鞋款嘅演變、進化。Cloudrunner 2 受益於闊鞋楦及其引導方式，用家長期穿著會感受其舒適感，個別配色甚至可作出街之用，一直有不少 On fans 支持。2026 年初 Cloudrunner 3 已經推出，繼續保持風格，係 5 月 Hyrox HK 站見不少參加亦者以 Cloudrunner 3 作為比賽鞋之用，可見其穩定性受到肯定。8 月新出了 Cloudrunner 3 Max，冠以 Max 為名，產品自然有升級，提供更好嘅緩震同支撐。
Cloudmonster 3 Max 結構賣點
打開鞋舌已見 Gusset Tongue 設計，將鞋舌與鞋身相連，減少鞋舌因跑步動作滑移，加強中掌包裹。採用厚身鞋舌，讓腳背保持舒適；鞋領位置用上傳統 padding 設計，長距離練習更舒適。後踭 Heel Counter 明顯見到 TPU clip 環繞鎖定腳踭區域，有效防止腳掌在鞋內前後滑動或側翻。鞋面採用工程網布，透氣度十足。
中底由上下兩層物料組成，上層為 Helion™HF 以 TPEE 物料製造提供緩震及舒適，下層 Helion™ 為傳統 EVA 物料，維持穩定及作支撐用。另外特意擴闊嘅鞋底，有效減少橫向晃動，提高支撐性。適度的前掌 rocker effect 延長觸地時間，讓跑者有更穩定嘅體驗。外底橡膠紋路清晰可見，抓地性能高。
由 2023 年重新面世嘅 Cloudsurfer 開始，越來越多款式沒有 Speedboard 設計，Cloudrunner 亦由第二代開始拿走 Speedboard，Max 腳踭厚度增至 38mm，前後掌落差 8mm，設定上已反映鞋款係長距離訓練鞋。一如以往，On 普遍中底剛性較強，有別軟稔嘅鞋款需要更強嘅腳腕穩定性，長距離會更有安全感。提供極高穩定性嘅犧牲就係，但男裝 US10 重量 333g，稍嫌重身。
跑後感
筆者過去兩星期試跑體驗超過 80km，主要係 long run 或 easy run，熱身時亦有做加速跑，簡單感受一下係提速時嘅感覺。天氣炎熱下，長課大約在 5:30/km – 5:45/km 左右，過程中已可感受其穩定，去到後期體力稍有下降、步伐開始不穩時，Cloudrunner 3 Max 可以透過鞋身嘅結構設計加上中底 Helion™HF 去協助、維持動態穩定，就好似身邊有人提醒你保持跑姿去完成訓練。
不計算 On 兩款 Super Trainer，38mm stack height 係 On 跑鞋其中一款厚底選擇。整體而言 Cloudrunner 3 Max 將穩定呢個層面最大化，為新手跑者提供更好嘅保護。On 今年係跑鞋家族上非常齊備，由 Cloudrunner 3 & Max，Cloudmonster 3 & Hyper 至 7 月底新推出 Cloudboom Strike 2，足夠大部分跑者應付不同練習所需。
總結
Cloudrunner 3 Max 提供極高緩震，用料十足，跑長課時確實感受到其保護性，每一步都可以好紮實踩係地面，換嚟就犧牲重量，筆者感覺係鞋身偏重，建議資深跑者或適用於日常慢跑、恢復跑或 LSD 長距離訓練，建議配速約在 5:20/km 或更慢。若要筆者選擇差不多用途嘅 On 跑鞋，寧可選擇 Cloudsurfer Max 或今年嘅主推產品：Cloudmonster 3。相反，身型較重需要更大緩震嘅跑友，呢對練習鞋款絕對有助保護雙腳走更多里數。
定價：$1,590
尺寸：True to Size
