[Pokémon Go] 5條上山修煉路線

山雞 2016-07-27

字 Decrease font size. 字 Reset font size. 字 Increase font size.

[Pokmon Go] 5條上山修練路線 2 無論你對於Pokémon Go呢個遊戲有咩睇法都好，不過無可否認，呢個遊戲真係令人多咗出街，剩係睇到啲人將公園逼爆，而唔係喺屋企涼冷氣，其實已經踏出健康一步。有朋友因為想行快啲，專登換上運動鞋出街！

對於健康活動，我無理由唔撐。

外國嘅精靈，有唔少都匿喺山。

有人問我山雞，如果要上山捉精靈，究竟有咩路線好呢？先唔講路線，講下要上山捉精靈嘅要求先：

----- 廣告 Ad -----

山徑路況要佳，易行：適合任何訓練員，就算係行山新手都啱。
路線要安全：雖則話唔好一路行一路玩，但為免遊戲令大家分心，揀選路線以安全為要。
手機網絡：根據通訊事務管理局辦公室，現時流動電話訊號較弱的地點如下：
大嶼山西南部、大欖郊野公園中部、西貢東郊野公園的鹿湖及西灣、東平洲東北部。要注意嘅係，政府嘅資料只係針對通話訊號，收唔到收4G，就要自己向各間電話公司查詢。
GPS：現時香港手機訊號嘅覆蓋，各個主要郊野公園應該問題唔大 (部份西貢地方除外)。但想GPS收得好，最穩陣都係上山。我山雞就試過行衛徑7段，落到水塘無咗GPS。
基本行山要求：都係帶水、帶毛巾、帶食物，著運動鞋、運動衫等基本嘢啦。

我就用上面呢幾個原則，搵出5條上山修練路線。至於呢啲路線有咩精靈，就請大家向我報告嘞。

三五知已hea住行，行多兩個圈都唔覺。

1. 山頂一圈
起點：山頂廣場
途經：夏力道 > 盧吉道 (倒番轉都得)
距離：3.5公里
需時：1小時
難度：1星 (5星最高)
附近可能出現精靈：POKÉVISION＠山頂

獅子山為香港危險山峰之首，掛住直幡嗰邊，就係最危險嘅獅頭同獅頸。

2. 獅子山
路線：沙田坳道 – 麥理浩徑第五段 (沙田坳獅子亭 – 雞胸山) – 獅子山頂 – 麥理浩徑第五段 (九龍坳 – 筆架山 – 大埔道)
距離：約 10 公里
需時：2.5小時
注意：無乜行山經驗就唔去上獅子山山頂，好危險架。
難度：2.5星 (5星最高)
附近可能出現精靈：POKÉVISION＠獅子山

元荃古道f