貴妃池未必有美人，但一定有生魚。
行山群組「樂山行」（這個是私人群組，要經批准才可加入）最近發出報告，指馬鞍山大水坑嘅「貴妃池」受到破壞，池水滿布青苔！原來，有人為咗要增加水流嘅速度（估計係要製造瀑布效果），胡亂搬動石頭，令水位上升。但喺冬季水位下降之時，河水減少，水池會因流水不足而滋生青苔。唉，一個「青BB」嘅水池，仲有咩人會夠膽落水？
另外，佢哋亦發現呢一帶嘅河水，有生魚嘅影踪。生魚，就係大家整傷咗，阿媽湯煲畀你飲話會埋口嗰啲淡水魚！立亂將動物野外放生，就算唔會做成生態災難，亦其實係虐畜！(街市買嘅生魚係飼養魚類，放生到野外，真係唔知可以生存幾耐。）你放生都係為咗積德，咁做於心何忍？
池水變為綠色，你仲敢唔敢落水？
----- 廣告 Ad -----
無公德心嘅人立亂將石頭搬動，其實會破壞山澗。
有關貴妃池：
貴妃池係馬大石澗其中一個重要景點。有關路線及山澗景色，可參考：
http://catthui.blogspot.kr/2013/09/89.html
圖片及資料來源：facebook群組「樂山行］
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。
