曾經聽過好多人講:
“長跑從來都只係一個人既運動。邊會好似打波咁開心咁刺激？”
“跑咁長咁遠為乜，真係好無聊咪搞我！”
好幾年前，我都可能係好似身邊既朋友一樣對長跑有一種莫明既厭惡。好記得中學最後一年的運動會，有同學提議 “不如最後一年，咩都參加一下啦，不如報1500m玩下啦！” 當時既我心諗1500m點跑，連續跑三個幾圈喎，會無氣嫁！不過面子大過天就照報名參加。我記得運動會嗰日真係跑到扯曬蝦….往事不堪回首….
點知大學 Year 2 有渣打馬拉松10公里賽事既 quota，呢個時侯又有同學話:不如報名試下！好啦，當年又膽粗粗咁報名參加，點知最後同朋友分派左不同既組別。想當年一個人在天后出閘，走上東區走廊嗰刻係如何的緊張。又係咁完成左人生的第一場10公里。完賽時間記得係1小時15分鐘左右。好啦，當時嘅我對長跑都只係抱住純粹參加既心態，對成績根本沒什麼概念，更邊可能談上有興趣。
究竟乜野時候令到我愛上長跑，就係全靠一位好姊妹 MY。一次中學同學聚會，得知她亦有參加10公里賽事，自此我地兩個就相約一齊練習跑步，一齊參加過不同既10公里和半馬賽事。可能有同伴互相鼓勵，大家先會有進步。大家的10公里成績由 Sub70 去到 Sub55。我倆一路見證住對方PB實在好感動。未來更希望我地可以一齊走到 Sub50!!
----- 廣告 Ad -----
今時今日，兩個港女聚埋一齊談論得最多既不是化妝 shopping，而係會研究邊款跑鞋好著，邊件跑衫好睇，邊個賽事好玩。好似舊年咁，我地第一次參與海外賽事，就係台北的 Nike Women 半馬。舊年跑到終點嗰刻，我倆講笑話不如報埋出年 Nike 名古屋全馬。
(2016 Taipei Nike Women 終點)
“報咪報驚你呀……..(唔驚就假，全馬喎大佬，不過為咗條靚靚tiffany無野係唔得嘅)
又好好彩，我同 MY 都成功抽中左，可以一齊去名古屋參加我地既初馬。去到當地既 Marathon Expo，兩個港女見到 Tiffany backdrop 已經非常興奮，又有唔同既名馬限定手信同 Nike Product，係時候要血拼了hahaha
(名馬限地綿花糖)
----- 廣告 Ad -----
(限定bib no. key chain)
題外話:好姊妹果然係心有靈犀，無夾過之下都將套戰衣襯到咁夾。
期待已久的比賽日終於到了，接近20,000個女生一齊參加一個規模浩大嘅賽事實在好壯觀。
而該賽事所有安排都非常貼心: 補給站會清楚標明站的數量和位置；流動廁所非常乾淨，更提供女性衛生用品；全程亦會有救護人員跟著一起跑以確保參賽者安全。此外，沿途有不少市民打氣，有太鼓，啦啦隊，樂團表演等等，氣氛真係非常高漲！
不過今次賽事遺憾便是沒有達成目標時間和 MY 一起衝線。頭20km大家都可以keep住一齊跑，奈何我的大腿抽筋又起水泡 >< ，20km後跟甩了。
不過無論如何，今次我地總算完成左初馬，港女完夢，長跑長有！感恩身邊有志同道合的朋友做喜歡的事，要做一世姊妹啊！附上今屆 Tiffany 玫瑰頸鏈給大家一看！超美的！
----- 廣告 Ad -----
更多：
Fitz.hk Facebook專頁
[肥妹名古屋馬拉松追夢之旅] 夢想於漆黑裡仍然鏗鏘
[名古屋女子馬拉松] Tiffany完賽鏈的最後機會
令你走下去的十四金句
Fitz Running 跑步
