繼兩年前小試牛刀，推出首個自家系列「Running is Boring」後，Why not Run?! 終於交出自家系列 Season 2。
明顯秉承其玩嘢幽默本色，今次主題更加直白 : International Deleted Runners Association – iDRA。
據官方 (即係佢哋自己) 解釋 ~ 當全世界都爭相歌頌、跪拜頂尖 Elite Runner 嘅時候，iDRA 反而矢志擁抱一眾失意、沮喪、練極都冇乜起色、PB 遙遙無期嘅無名跑友，為佢哋打氣加油吶喊。成績與快慢實屬等閒事，最重要係你仍然肯落街跑，享受每一次嘅跑步。
至於點樣享受？第一步，著靚啲去跑，起碼自己覺得靚。
向來擅長玩 graphic 嘅 Why not Run?!，今次轉玩 photo print 配 vintage fonts，整個系列以黑、白、綠為主調，同一 visual 分別以彩色同黑白相呈現，無論你想高調搶鏡，定低調踏實地做個沉默跑友，總會找到你所愛。
製作方面，今次搵嚟本地運動服新晉品牌 EX 主理。聽聞布料經多次實戰測試，自家研發而成。背心布面滿佈雷射切割細孔，超輕、快乾、唔黐肉，無縫拼合亦大大減低運動時嘅摩擦，等你可以專心跑，唔使專心忍痛，衫夠輕，唔跑嘅藉口就少一個。跑褲方面，除布料透氣度比上一季大大提升外，今季更附設極柔軟舒適嘅內膽，背部亦有為山友而設嘅放 pole 位置，跑得安心暢快是皇道。
除背心、跑褲、帽同襪呢啲跑友定番 item，今次更加推 cotton tee 同鞋袋，即係話，由比賽日著到平日行街、由起跑前著到收工返歸，iDRA 都可以陪你一齊「跑得唔快，但著得有型」。
認真製作、認真玩嘢，值得支持。
跑得慢唔緊要，跑得慢又著得唔靚先出事 !
Why not Run?! 自家系列 Season 2 網上預朋 ~
