Fitz > 裝備 Gear > 安踏天貓海報被指販賣色情,圖片下架有關職員被「處理」

中國運動品牌安踏於天貓網店嘅海報,被指有色情成份,被大陸網民群起攻之。大陸網民引用設計嘅「排版視覺中心點」、攝影嘅「井字構圖」等專業術語,質疑廣告引導讀者視覺向model私處,令人想入非非。

結果係,安踏第一時間將圖片下架,並話已經對相關人員進行咗「嚴肅處理」。暫時仲未有引起更大風波。

另一邊,唔少香港網民都覺得大陸網民反應過度,話佢哋「咩人諗咩嘢」,有人甚至引述魯迅名句「一見短袖子,立刻想到白臂膊,立刻想到全裸體,立刻想到生殖器,立刻想到性交,立刻想到雜交,立刻想到私生子。中國人的想像惟在這一層能夠如此躍進。」

BTW,安踏呢對新款運動鞋,已成功製造話題,功得圓滿,話唔定係暗黑兵法嚟。

資料: 聯合報


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。