上海New Balance旗艦站,因為呢單官司,搞到無中文名。
上海New Balance旗艦店,因為呢單官司,搞到無中文名。

美國運動品牌New Balance好改唔改,改咗個中文名叫「新百倫」,竟然大陸有間公司 New Barlun 話個名係屬於佢哋。早兩個月法庭判New Balance侵權罰款9800萬人仔。New Balance當然唔服,上訴!

呢兩日呢單上訴案終於喺廣州開審,結果法庭判New Balance敗訴,同時減輕咗New Balance嘅罰款,由罰成億人仔,改為罰500萬。

咁都唔算係抄,簡直令人無言。
咁都唔算係抄,簡直令人無言。

法庭話,啲人買New Balance嘅產品,係因為佢哋有較高嘅聲譽、較佳嘅品質。而New Balance賺到嘅錢,並唔係因為侵犯New Barlun而得到,所以將罰款大幅減少,但同時要求New Balance喺官網發表相關聲明。

咁法庭呢個講法都算係中肯,不過對New Balance嚟講,相信最大問題並唔係嗰幾百萬人仔,而係法庭要New Balance喺網站自認係侵權。咁都判得出,真係搵鬼再入中國做生意,不過暫時就仲未見到New Balance大陸網頁有呢份聲明。

惡人先告狀,仲要畀佢哋告得入,好嘢!

資料來源:立場新聞

更多:
Fitz.hk Facebook專頁
美國運動品牌任抄唔嬲?
阿婆地牢內褲變專業品牌? Under Armour 37億買起你嘅卡路里
一個保留32年的全馬香港紀錄
[前無古人] 三胞胎出戰奧運馬拉松

分享
張伯倫

自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。