Descente Hyper Speed Pro 適合全天候穿著的碳纖板跑鞋

----- 廣告 Ad -----

相信各位跑友近幾年對碳纖板跑鞋應該有一定認知，但對 Descente 既跑鞋可能就唔係太了解。公司品牌係做滑雪用品起家，由1930年到而家接近100年既歷史，涉足嘅運動範疇亦都越黎越多，今次推出首款碳板跑鞋，Hyper Speed Pro，完全比大家一種新享受，新選擇。

先講外形，與其話係一對跑鞋，佢更似一對日常都可以穿著既運動鞋，用色簡約，以白色為主色，霧藍為副色，睇落非常順眼，時尚，貫徹運動生活既大趨勢。而由於可以當出街鞋著，收工跑步就可以帶少對鞋，其實都幾方便。

Hyper Speed Pro 著上腳既感覺非常舒適，鞋面同兩側都好包腳，提供倒一定既保護性同穩定性，而鞋面既透氣性能都比較好。

喺運動場嘗試跑左10K，一開頭感覺鞋底比較硬，大概係未開鞋既緣故，過左5K就變得相對輕鬆，跑落都幾自然，幾貼腳，回彈力都算足夠，當中最出色莫過於鞋既穩定性，每一步都有腳踏實地既感覺，非常適合日常練習。

話分兩頭，Hyper Speed Pro 相對弱點在於鞋既重量，US7 大概重 320g，比起市面既碳板跑鞋重，大概係為左提升舒適度同穩定性既取捨，如果平時著開輕鞋既跑手，應該會比較吃力。但如果係比較身重既跑手，會係一個幾合適嘅選擇。

總括黎講，Hyper Speed Pro 都係值得一試，著上腳可以感受倒 Descente 好用心去做好一對鞋，從而令大家著得舒服，跑得更遠。