Fitz > 裝備 Gear > [Futurecraft.STRUNG] adidas跑鞋黑科技 最快2021年面世

adidas adizero adios Pro 於倫敦馬拉松打破 Nike 多年來嘅壟斷,成為市場焦點。唔單止運動網站,科技網站亦加入吹捧行列,講到佢背後嘅科技一時無兩。adizero adios Pro 係咪咁勁要高手先知,不過 adidas 嘅「高科技跑鞋」路線,就似乎越演越烈。adidas 最新公布嘅「Futurecraft.STRUNG」,更宣稱係跑鞋嘅未來。

「Futurecraft.STRUNG」係一種使用於鞋身及鞋面嘅製造技術,可以根據各個運動員嘅數據,製造適合每一個人嘅跑鞋。

adidas 開發咗一種機械人,配以特製軟件及3D打印機,可以根據用家需要「編織」一對獨一無二嘅跑鞋。由於機械人每條線都可以沿任何方向移動,因此機械人可以完全控制鞋面、腳趾以至腳踭嘅編織方式,提升跑鞋保護性、穩定性以及靈活性。有關工程人員解釋:

「你睇睇 Nike 嘅 Flyknit,佢哋採用編織小方塊去製造鞋面,咁做並唔符合每個人嘅需要。」

呢項「Futurecraft.STRUNG」未來會推出市場,計劃於2021年年底至2022年初於零售店中發售,睇下到時可唔可以幫 adidas 爭番啖氣啦。

資料: Wired


⮑ YAS BYKE 踩車保 保障全港所有單車可行走的公路,任何想踩車的地點都可受到保障,覆蓋更加全面! 作為 YAS 的合作夥伴,Fitz 讀者可享有限時1次 BYKE Pro 完整體驗! 把握機會為自己加添一份更全面的保障! 了解更多 BYKE Pro 詳情,請瀏覽此