Fitz > 裝備 Gear > Gucci 黃金智能戒指,監測身體數據最貴盛惠$8900

芬蘭科創公司 Oura 早兩年推出革命性穿戴裝置,將「健康手環」變為智能戒指。亦即係話,戴住隻戒指就可以監測日常健康狀況,結合 Apple Health 與 Google Fit 之後,更可以全天候記錄心率、呼吸、體溫、健身、睡眠、經期等身體情況。

智能戒指咁厲害,搞到 NBA 都考慮強逼球員戴住佢上場,方便監察球員健康。令呢一款戒指一度大熱。現時已推出第三代,售價為$299美元 (約港幣$2346)。

最近呢款戒指仲同奢侈品品牌 Gucci 合作,推出黃金智能戒指。有 Gucci 設計仲加埋18K黃金,價錢由5,700至8,900不等,視乎設計同黃金含量。

電池備用約一周,無電須為佢充電。

資料: HB


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。