----- 廣告 Ad -----
Cloudstratus 一直係 ON 品牌入面以緩震作為賣點嘅跑鞋，因為佢係用左雙層 CloudTec 打造嘅款式，由 2017 推出第一代至今第三代，係 ON 其中一個深受跑者喜愛嘅練習鞋款。
ON 一直係大眾形象未必係跑步相關，品牌創辦人 Olivier 係前三鐵世界冠軍，佢希望可以研發一對與別不同嘅跑鞋，所以 ON 本身係一個有跑步 DNA 嘅品牌。費達拿於 2019 年注資入股令更多人留意 ON，品牌 2021 年係美國上市，The Roger 系列就成為左費達拿獨有嘅 Line，開展左網球產品嘅發展。
今次 Cloudstratus 3 除左保留以往嘅優點，亦有以下值得留意：
----- 廣告 Ad -----
鞋身面料係採用咗 100% 可再生物料編織，全對鞋用左 23% 再生物料打造，比上一代提升左 3%。鞋內腳踭位置，鞋口及腳背 (即鞋脷) 幾個部份都有加厚棉，令著用感覺更舒適。
中底用咗標誌性雙層 Cloudtec，物料係 HelionTM Superfoam (已經應用係 ON 大部分跑鞋上)，有顯著緩震效果同時保持到回彈嘅腳感。如果以 cushioning 作為賣點，對比 Cloudmonster 嘅推進，Cloudstratus 3 顯得更加平穩。
中底繼續嵌有 Speedboard 膠板，保持一定推動力，今代開始外底已經封閉咗，鞋底係睇唔到 Speedboard，估計係防止攝石仔。另外，大部分著地位置有橡膠大底，一嚟可以增強抓地力，二嚟可以令對鞋更耐用。
筆者已經著用跑左超過 60km，包括一課 140 分鐘 LSD，一課 120 分鐘 Easy + Steady，速度由 6:00/km 提升至 5:00/km 亦完全冇問題，唔會因為其出色緩震而影響腳感。稍闊嘅鞋楦係長課後期，雙腳充血發脹時，不會過緊。作為長課鞋款，US8.5 重量亦只係 290g，舒適同時保留輕盈嘅腳感。
----- 廣告 Ad -----
總結
Cloudstratus 3 鞋款定位以出色緩震力作為賣點，對追求速度嘅跑者比較適合作長距離及輕鬆跑之用；一般身型較重嘅朋友可直接考慮比賽著使用。就我個人認為，Cloudstratus 3 非常適合係半馬 / 全馬長課訓練，即使課表內容或有提速，雙層 CloudTec 嘅緩震加上 Speedboard 提供推動力互相配合，係賽前準備嘅練習好拍檔。
