情侶之間意見不同，分手往往在所難免，商業世界更加無情講。Relive 呢隻記錄戶外活動嘅網上軟件，最近就宣佈同運動軟件 Strava 正式分手。
根據 Relive 公告，話唔知 Strava 點解飛起佢。而 Strava 原本嘅分手信就話，忍受唔到 Relive 嘅改變，提出分手。
簡單講，係女友話男友又煙又酒又賭酒唔肯改，咁女方唯有掟煲。
作為用家，因為兩隻軟件都係免費，我哋只能做花生友睇下戲。不過 Relive 用家其實唔使咁愁，其實 Relive 都支援幾個主要品牌嘅運動手錶，包括 Garmin、Suunto、Polar 同 Apple Watch，所以就算唔支援 Strava，影響都唔算好大。
大家可以去 Relive 或手機 App，進入程式一欄連接相關手錶。
Fitz連結: https://fitz.hk/?p=123109
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。