新冠肺炎疫情,改變咗好多人平時生活。記得2020年2月,疫情喺香港差唔多係最嚴峻嘅時間,好多人都要將平嘅活動改喺屋企進行: 返學、返工、甚至運動。亦因為咁,畀咗我好多空間諗下,點樣可以利用科技解決到一啲用家嘅問題。

記得果日我喺屋企做緊嘢,腦海突然閃出一個念頭: 其實香港人真係好鍾意跑步,但巿面上好似又搵唔到一條短褲,可以令人跑步時有一種無拘無束嘅感覺。就係因為咁,我即刻同我嘅團隊開會,諗吓點樣可以做出一條專屬跑步愛好者嘅短褲出嚟。

之後,我同團隊就無間斷咁,同廠方一齊研究開發新布料,過程中仲不斷將布料畀多位職業足球員品評,再作出測試、改良,目的只係希望可以喺布料上做到高吸濕排汗、快乾同360度自由範圍嘅功能,從而提升用家喺訓練同比賽時嘅表現。你可能會問,職業足球員同跑步有咩關係呀? 其實足球正正係咁多種運動入面,跑動需求最多嘅一種運動。所以有佢哋嘅專業意見,絕對可以幫到我哋提升質素。

由開始至今十個月,我哋終於成功研發到世界首創嘅 ICEZ-BREEZE 技術,造出咗由跑步者設計畀跑步者、二合一高度透氣壓縮墊升級版嘅 “Evolve” 及 “Evolve Pro” 短褲。

Evolve 短褲

Evolve 短褲有三大特色:

1. 增強透氣性

我哋開發咗一種親水性材料,呢個材料具有出色嘅吸濕排汗功能,可以增加透氣性同耐用性。而為咗同時增強透氣性,我哋更加喺褲背面加左Z型激光切割孔。

2. 加強舒適性同安全性

優質嘅褲頭採用咗超柔軟嘅尼龍彈性混紡面料製成,360度牢固地包圍腰部,提高腰部舒適性同訓練時嘅安全性。

3. 提升運動能力同力量

採納專業運動員嘅意見,配以世界首創既技術,Evolve 側切跑步短褲大大提升咗運動能力同力量。

Evolve Pro 短褲

Evolve Pro 係 Evolve 嘅升級版,裡面增加咗高度透氣嘅壓縮墊,可以喺訓練過程中提供額外嘅保暖同保護性。而佢嘅主打特點係褲後附設小洞袋,可以用嚟放 Tee 或 tank。而隱形側拉鍊口袋同3M反光帶更加啱晒喺夜晚跑步時用。

如果大家都鍾意我哋嘅理念,希望大家可以多多支持我哋 Project Z! Project Z 嘅 Kickstarter 平台 (The World’s First Icez-Breeze Technology Performance Shorts) 會喺12月26日正式開始啦! 而為咗多謝大家對我哋嘅支持,我哋仲有 Kickstarter 限定優惠: 搶先零售特價優惠,更有全部產品買兩條95折,三條以上85折。

立即支持,本土運動科技

資料: Zyphr


文章為作者意見,不代表Fitz立場。
歡迎投稿: http://fitz.hk/contribute/
Jason
大家好,我係Jason Yau 今年26歲,Zyphr 運動品牌嘅創辦人。細個嘅時候已經好鐘意運動因為見到運動員要贏就一定要附出。平時除咗工作以外,我好鐘意睇波同打泰拳。