[九龍公園地下城] 政府諮詢期最後死線憂古樹生態災難

永誠 2019-08-21

----- 廣告 Ad -----

重要日子要講三次: 8月21日~ 8月21日~ 8月21日，係政府「城市地下公眾空間發展」公眾參與計劃嘅最後死線。呢個所謂「城市地下公眾空間發展」，當中最受注目嘅，就係要喺九龍公園地底大興土木，發展為一個有如地下城嘅公眾空間。

九龍公園係香港第二大嘅公園 (香港最大公園係摩士公園)，比維園仲要大，而且歷史逾半世紀。所以公園內多株大樹，都被列為法定古樹。當這個城市只去興建摩天大廈時，九龍公園這個「市肺」嘅作用更加重要。而這些參天大樹，亦是雀鳥的重要聚居地，它們成為了城市裏一個獨特嘅生態圈。

政府諮詢文件單張 (按圖放大)

----- 廣告 Ad -----

香港觀鳥會等關注本地生態嘅組織，公開表達對發展計劃嘅憂慮。佢哋強調:「從生態角度來看，九龍公園如市區的綠肺，更是野生動物的城市避難所。然而，九龍公園在四個策略性城市地區中被選中作優先發展地下空間。該發展將摧毀樹木的生存和健康，干擾鳥類的棲息和覓食。」有關組織並且希望市民可以趁諮詢期內，去信政府表達呢份憂慮。