餓咗27日,兩兄弟真係皮包骨

住喺巴西亞馬遜雨林嘅原住民、年僅6歲同8歲 Ferreira 兄弟,2月18日離開屋企,入咗雨林捉雀仔後一去不返。當地警方號召當地250名居民幫手,不過搵咗個星期都無結果,2月24日停止搜索。

點知27日後,一名伐木工人聽到呼救聲,工人報警求援,最終喺離兩兄弟住嘅村落6公里位置搵返佢哋,立刻送院。

警方話,呢兩兄弟喺森林迷路之後,佢哋唔識搵食物,只靠飲用雨水維持生命,支撐咗27日。好彩,兩兄弟身體只係少少擦傷,缺水及營養不良之外,並無生命危險。

獲救的兩兄弟
小兄弟之前有啲肉地

巴西擁有全球最大面積嘅熱帶雨林,佔國境嘅三份二。去年,一名飛行員在亞馬遜雨林上空墜機,一個人在雨林救生36日獲救,體重減輕咗25.4公斤。

亞馬遜雨林

資料: BBC


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 生活 Life > 亞馬遜雨林失踪27日,小兄弟餓到皮包骨奇蹟獲救