香港處於亞熱帶地區,只要衛生環境唔理想,就好易出現蚊患問題。以蚊為傳播途徑嘅登革熱,已經係香港風土病之一,政府亦定期推廣滅蚊運動。

位於熱帶地區嘅印尼,登革熱更為嚴重,印尼當局為打擊登革熱病,研究新嘅滅蚊技術。佢地藉由培養感染沃爾巴克氏菌 (Wolbachia) 嘅蚊,去減少登革熱嘅傳播。佢哋發現,引入「生化蚊」嘅地區,登革熱病例減少77%。

沃爾巴克氏菌是一種常見微生物,通常寄生喺昆蟲,能保護宿主唔受登革熱病毒侵害。科學家發現如果雌蚊感染沃爾巴克氏菌,會將病菌傳至下一代。佢哋利用呢個特性,用三年時間培育大量帶沃爾巴克氏菌嘅「生化蚊」,並將「生化蚊」釋放,令該地區登革熱病例減少。

印尼每年有超過700萬登革熱病例,參與這項研究嘅教授話,印尼遲下可能唔再有登革熱病。

資料: CNN


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 印尼研發「生化蚊」減少登革熱病例77%