香港政府宣傳大使,有清潔龍阿德,有 Lazy Lion,仲有大嘥鬼,都想用 kawaii 嘅形象引大家注意,再留意相關訊息。不過台灣政府出奇招,佢哋呢次用恐嚇訊息去推廣水上安全。

台灣海巡署負責海岸安全嘅大小事宜,其中一項工作就提倡水上活動安全。正值農曆七月,佢哋竟然搵一班妖怪做安全大使!

活動意外不是「抓交替」

傳統中國人相信,農曆七月鬼門關大開,唔適合游水、潛水,甚至行山呢啲活動。話因為孤魂野鬼會喺呢啲時候搵替身 (台灣叫「抓交替」)。海巡署利用咗呢個想法,舊年以「還鬼清白」為主題,要市民正視水上活動安全。

今年,佢哋再進一步,由妖怪引入各個安全守則。希望大家可以重視安全問題,遇到意外時又唔好怨鬼神。

呢幾隻「妖怪」形像咁親民,相信唔會嚇到大家。見到佢哋,大家會記得落水玩時要安全。

資料: 海巡署長室 Coast Guard

附: 無臉男の救溺五招: 叫叫伸拋划

網上見到呢張圖,搵唔到原圖。但無臉男教拯溺,其實好嚇人。


文章為作者意見,不代表Fitz立場。

歡迎投稿: http://fitz.hk/contribute/

永誠
講求綠色、環保、天然的健康生活。推廣新一代健康生活文化。