雖然疫情暫告放緩,政府陸續放寬防疫措施,不過無論幾時大家都應該注意個人衛生。當中大家出街隨身,或者做運動使用嘅水樽,如果清理不當,會成為細菌溫床。

美國有研究測試咗12款可循環再用嘅水壺或樽,發現4款嘅設計,好易藏污納垢滋生細菌。

第一名 (最污糟): 滑蓋式水樽

水壼嘅掀蓋連接飲管,掀開蓋飲管自動彈出。不過呢個設可以收藏大量細菌。根據統計平均超過90萬CFU。

第二名: 吸嘴型水樽

細菌量16.2萬 CFU ,因為吸嘴無遮無掩,容易粘上細菌及垢物。時下一般水袋或軟身,亦採用類似設計。好彩正因為吸嘴暴露於空中,反而可保持乾燥,細菌不容易滋生。

第三名: 扭蓋型水樽

最典型嘅水壼設計,扭蓋後飲水。測量後發現頂部容器有差唔多16萬 CFU 。

第四名: 吸管型水樽

頂端飲管有蓋,可隔絕污物,測試後發現細菌含僅25CFU,為四種設計最安全。

呢幾款水樽藏有細菌嘅數目平均有大概331,000 CFU 單位嘅細菌,比起寵物玩具2,900 CFU 多超過100倍!

研究指出,細菌會喺以下呢3種情況之下,會喺水樽迅速生長:

  1. 每人口腔都會滋生細菌,在飲水時嘴部接觸到水樽的出口,細菌就會散佈開去。
  2. 細菌在乾燥環境之下會於幾小時內死亡,但水樽在水口或斟水處時常保持濕潤,成為滋生細菌溫床。所以,不同設計的水樽,藏有細菌的數目亦有不同,當中以吸管式水樽最為健康。
  3. 樽內的水不常更換,或清潔水樽不徹底,會令細菌的數量更多。

研究人員強調,只要定時清潔清潔水樽,就可以避免細菌大量滋生,方法是每日更換水樽的水,並且以食鹽或食用梳打將水樽潔淨,然後晾乾。

資料: Treadmill Reviews


文章為作者意見,不代表Fitz立場。

歡迎投稿: http://fitz.hk/contribute/

永誠
講求綠色、環保、天然的健康生活。推廣新一代健康生活文化。